Joibe 02 Avost 2012, h 21:00

Lis lidrîs dal sacri

Sincretisims in planetibus

Conversazion in forme di spetacul

Ricercje e progjet di e cun Marco Maria Tosolini, cu la partecipazion di Giuseppe Paolo Cecere (Dramsam)

Videoproiezions

In Aure Elemire Zolla, citant cinc lûcs dal mont dulà si po vualmâ ancjemò un aiar mistic, al menzione Aquilee. Alfa ideâl di un viaç intor al mont, lant daûr da lis olmis archetipis da lis lidrîs dal sacri, la conversazion in forme di spetacul al scandaie cualchi aspiet dal sincretisim leât diretamentri cu la nature dal sacri. Il percors tirât, insiorât di documents di audio-video di une vivece e ecezionalitât straordenariis, al insistarà sul ribaltament dai valôrs sacris come at estrem par la calade “ad infera” da lis realtâts rituâls. Dut al cjaparà tant che ponts di riferiment aspiets archetipâi di cualchi civiltât arcaiche e sincretiche dal mont fasint un zîr che al puartarà il viazadôr propit a Aquilee par l’ocasion dal teribil “Episcopello”…

Program Avostanis 2012