Domenie 19 Fevrâr 2012, h 17:00

La base

Laboratori teatrâl direzût di Giuliana Musso

Cun Marco Artusi, Chiara Benedetti, Evarossella Biolo, Chiara Dall’Osto, Giuliana Musso, Anna Novello, Paolo Piludu, Martina Pittarello, Beatrice Sarosiek, Arianna Sinigaglia, Claudia Stefani

Progetto Giovani a Teatro – Fondazione Venezia

O vin scandaiât e scuviert: prin di dut che i ûl timp. Timp par cjalâ, par scoltâ e par regjistrâ, par scjavaçâ a pît un teritori, par spietâ un testemoni, par lei i leams e lis contradizions di ce ch’al sucêt, timp e pazienze par dâ vôs ai dubis e dâ fûr une domande. O vin scandaiât e scuviert ch’al è un teatri che no si indrece a se stes, che no si cîr cui voi tal spieli, che nol nas sui palcosenics.
“L’idee di contâ la base merecane intant che a son daûr a fâle sù inta la zone di Molin di Vicenze e je une idee teatralmentri falimentâr. No je storie, e je croniche.
Po dopo, al mancje il muart, i corots, la tragjedie … dulà stano la colme dramatiche, la catarsi? No son.
E la mê conclusion e je scontade: se il teatri nol va a plomp cu la croniche, o fasarìn di mancul. Dal teatri. Cul augûr che fra trente o cuarante agns la base no sedi deventade intant il sogjet di un altri bielissim, ma alore sì, dolorosissim, spetacul teatrâl.

Program In File 2012