Sabide 24 Mai 2025, h 18:00

Il fier il polvar

MOSTRE di SANDRA BIASIZZO

Inaugurazion
Sabide ai 24 di Mai 2025, h 18.00

“Il fier il polvar” al dà il titul a un event espositîf che, in plui da la sô valence artistiche e dal alestiment, al è fat cul cûr. I amîs di Sandra Biasizzo a àn volût ricuardâle in cheste maniere, ancje in gracie da la colaborazion cu l’Associazion culturâl Colonos: “No vin podût saludâ Sandra. Al jere il Covid. Lu fasìn cumò cun cheste mostre. Si sin metûts in cercli di mût che il so pinsîr e il so cjalâ si palesin a ducj”.
L’esposizion, a traviers di un biel grup di oparis contestualizadis tai spazis da lis stalis e da lis lozis colonichis, e ufrìs l’oportunitât di esplorâ la ricercje artistiche di Sandra Biasizzo. Si trate di cuadris di grant formât, sculturis di açâl cun inserts di fier e rusin, dongje di oparis liseris di cjarte segnadis cun segns precîs di grafite çoncjâts di brusaduris o chinis brilantis, indizis di une personalitât artistiche fuarte e tal stes timp delicade.

La mostre e sarà vierte
Domenie ai 25 di Mai
da lis trê dopomisdì a nûf di sere

I Events 2025