Vinars 25 Avost 2017, h 21:00

Il compuartament sociâl dai animâi videoludics / Colonos studies

Ideazion e direzion artistiche Mauro Ceolin

Coreografiis Martina Tavano

Atelier enidUDanza – ADEB Udin

Performance cu la popolazion dal teritori

Leture atoriâl Fabiano Fantini

Percussions U.T. Gandhi

Curatele e regjie Sabrina Zannier

Preview del Festival MARAVEE MIND

in colaborazion cui Colonos
e la partecipazion da la Crôs Rosse Taliane – Comitât di Palme

Nassût tal Laboratori performatîf viert par ducj, il spetacul direzût di Mauro Ceolin – prin artist talian ch’al à studiât il lengaç dai video-zûcs metintlu in relazion cui studis di zoologjie e altris ambits artistics sientifics e comportamentâi – al dà dongje l’art visive e l’art coreutiche, la musiche e la leture atoriâl. Ta la relazion strente tra artiscj e students, al met in sene une “sculture sociâl” ch’e anuncie il teme dal Festival Maravee Mind – la ment creative tra reson e passion – butantsi jù ta la realtât dai Colonos. Cuntun riferiment puntuâl al teme di Avostanis 2017 sul fenomen scjassôs e cressint dai spazis bandonâts e deserts par cause di une grande implosion economic-sociâl, il diorame performatîf di Ceolin al torne a puartâ tal curtîl lis bestiis che une volte a vivevin li. A tornin a meti in sene la lôr vite sociâl, sui cuarps umans che i lôr moviments e ategjaments a divegnin da la confluence tra memorie zoologjiche e animazion cul videogame.

Program Avostanis 2017