Vinars 21 Zenâr 2011, h 20:30

Homo morto non fa guerra

(“la crudel zobia grassa” dal 1511)

Introduzion di Federico Rossi

Relazion storiche di Furio Bianco

Presentazion da la mostre di Patrone par cure di Angelo Bertani

Ribaltons sunorôs cu lis “crasoles” di “chei da vecja” di Ravasclêt

sanbrulè (tradizion cjargnele) ufiert da l’aziende agricole di Uberto Pecol di Raviei

La mostre “Berlino 1990” di Carlo Patrone e je vierte intant dai incuintris di In File

E fo une da lis rivoltis “corâis” plui impuartantis da la storie da l’Europe moderne, che e cjapà dentri citâts e campagnis, borghês e contadins, nobii e masnadis, anticipant par cierts aspiets temis e motîfs da la rivoluzion francese dal 1789. Nassude a Udin da lis rivalitâts jenfri lis fameis dai Savorgnan e dai Torians (Della Torre), la rivolte – che chest an o fasìn memorie dai siei cinccent agns – si slargjà daurman intai cunfins da la Patrie dal Friûl, e si stramudà intun maçalizi gjenerâl fat di cagnetâts, stupris, violencis, svindics privâts e barafusis. Ma al fo ancje e soredut un monitori devant dai voi smaraveâts dal mont: la storie le scrivin ducj, no dome i grancj da la Tiere. Tal font, si jeve la inversion rituâl dal Carnevâl cui siei rîts vielons di sanc e matetât.

Program In File 2011