Sabide 12 Avost 2017, h 21:00

Dei delitti e delle pene. Un passât cence futûr.

PALME, Place grande (no ai Colonos)

S’al plûf tal Teatro Gustavo Modena

Conference di Philippe Daverio

Al introdûs Federico Rossi

Cu la colaborazion dal Comun di Palme

Par la prime volte dopo di 13 agns il tradizionâl incuintri d’estât di Philippe Daverio cul popul dai Colonos al va in trasfierte ta la citât stelade di Palme. Chest event culturâl, fat in cunvigne cu l’aministrazion comunâl di Palme tal ambit di Avostanis al è chê di celebrâ la jentrade da la fuartece tal Patrimoni da l’Umanitât dal Unesco, proclamât di pôc a Cracovie dal World Heritage Committee dentri tal progjet “Le opere di difesa veneziane tra il XV ed il XVII secolo”.

Personagjo poliedric e cussience critiche da lis contradizions e dai conformisims sociâi, Daverio al frontarà, cuntun stîl anticonvenzionâl e deviant che lu marche, il drame di un grant paîs destinât a une decjadince continue, ch’al è daûr a straçâ il patrimoni inestimabil di bens e valôrs culturâi ch’al à ereditât da lis gienerazions passadis. Par cause di une classe politiche e dirigjent ch’a no son stâts bogns di trasformâ chel capitâl intune risorse pal avignî, ancje s’a son stadis ecezions. Come cheste, apont.

Program Avostanis 2017