Vinars 22 Fevrâr 2013, h 20:30

Culture come resistence

Opare di Paolo Comuzzi

Incuintri cun
Angelo Battel, Comun di San Vît dal Tiliment
Aldo Colonnello, Circul culturâl Menocchio di Montreâl in Valceline
Guglielmo Pitzalis, associazion El Tomât di Buje –
Federico Rossi, progjet Colonos di Vilecjasse
Donatella Ruttar, Stazione di Topolò/Postaja Topolove

Introduzion e considerazions di Gianpaolo Gri

Progjet Colonos di Vilecjesse

Dal pont di viste culturâl il teritori furlan al è scjassât di une rêt di presidis culturâi cetant siôrs e svariâts: bibliotechis e museus, associazions e operadôrs culturâi, zovins ricercjadôrs e esperiencis di grande creativitât. Ta la maioritât dai câs si trate di realtâts piçulis, saboradis cuntune passion autentiche par la culture vive, intindude come fatôr di cressite umane e sociâl. Masse voltis, ancje ta l’ocasion dal dibatit slargjât dal mês di Dicembar stât sui tais regjonâi a la culture – si dismenteisi e si sotvalute il valôr di une ricjece straordenarie al servizi dal teritori e da la comunitât locâl. Chest incuintri al à chê di ufrî une ocasion preseose par esplorâ cualchi model di cheste galassie, inta la convinzion che a sedin presintis no dome grandis potenzialitâts, ma ancje une capacitât progjetuâl fuarte, di mût di sei in stât di dâ un contribût tal rignuviment dal intîr sisteme da la culture.

Program In File 2013