Domenie 12 Març 2006, h 17:00

Casa mia, casa mia, per piccina che tu sia, tu mi sembri una badia

Instalazion artistiche

Progiet e realizazion dai zovins artiscj iscrits a la Academie di Bielis Arts di Vignesie
Par cure dai cors di Piture di Eugenio Comencini e Aldo Grazzi,
sede di Vile Manin

I lûcs, lis nazions, lis regjons, lis provinciis a jerin caraterizâts di stîi architetonics che ju identificavin. Lis cjasis a rispuindevin a lis funzions leadis a lis condizions climatichis, storichis e sociâls da lis diviersis comunitâts. Cheste fulugne di formis e palesave une grande potenzialitât di mistîrs e di cognossincis che a traviers di lôr lis popolazions si esprimevin e si ricognossevin.
In di di vuê lis areis lotizadis da lis perifariis e dai paîs a son fatis di costruzions cun stîi incierts, miscliçs e omologâts, cence sens e disprivâts di chê culture architetoniche origjinâl e eficace che lis comunitâts a vevin dât dongje cul timp a lâ.
Il chalet dai pastors svuizars al è zaromai fis in prossimitât da lis splazis mediteraniis e il cuviert plat, tant che une grande terace, da lis cjasis plenis di soreli dal sud al ven clonât dai abitants da la padanie fumatose cu la zonte dome di un rivâl, usance culine, sieraments e prât di fate inglese cul murut esotic-spagnûl. Intune uniche costruzion a son concentrâts i desideris frustrâts di une vite.
Ce puedial sucedi alore se un trop di int, par di plui artiscj, che no son ni architets ni geometris, a decidin di fa sù une uniche cjase componude da lis diviersis parts che a pandin i lôr desideris abitatîfs cetant difarents e indispensabii?

Program In File 2006