Avostanis 1996

Un splaç cun stalis e tiezis, un pâr di lozis, cualchi cjôt tacât dai cabôts, i granârs, lis cjasis pai colonos, une schirie di morârs e un cacâr mat. Achì al é il centro. Il centro dal mont, benintindût, ch’a nol è un câs ch’al sedi propite taront e paraltri nancje masse a plomp; puitost grumbolôs e intrigât, a la barbe da la culture cussì clamade “moderne” che di secui in ca e à imponude la pretese di disvuluçâ la essence soteranie da la realtât su la fonde di principis geometricamentri astrats, universâi, inmudabii, e cun chê di meti dongje une societât globâl e splanade di plante four, disvuedade da la concretece dal spazi e dal substrât dal timp.
Il curtîl cui locâi di clap e madon che lu contornin, e parsorevie un slambri di cîl estrôs, al è un organisim vivent cuntune anime vive, ch’a respire l’energje dal univiers, framieç di grafits e segnai di futûr che a travanin l’atmosfere di chist puest, dant cuarp al “genius loci”.
Tancj elements, un plui diferent di chel altri, imberlâts e in scalembri, a si instrecin davour schemas e formis four di scuare. Parie cul disglagnâsi dal timp a si son messedâts intune tressadure complesse e armoniche, tignude sù da la fuarce dinamiche dal mismàs e dal disordin, leç da la vite.
Metint ladrîs in chist louc si rive a esplorâ une visual dal mont, une percezion da la realtât, un sens dal essi resints e originâi.
Laboratori furlan par une gnove civiltất dal localisim post-moderno.

31 di lui > 10 di Setembar 1996
Agriturisim Ai Colonos, Vilecjasse di Lestize (Udin – Friûl)

Cu la colaborazion di
Istitût di Culture Furlane

Cul sostegn di
Province di Udin
Region Friûl-Vignesie Julie

Grazie a ducj chei che àn colaborât par la realizazion di Avostanis, in mût particolâr a Paolo Medeossi, Roberto Rizzi, Valter Colle, Francesco Messina, Ekostudio, Francesco Ursella, Giuliana Venturoso; Maria-Grazia Borgnolo, Riccardo Toffoletti, Andreina Ciceri, Galleria Artesegno, Fabiano Rosso, Valter Maestra, Laboratorio 2, lis aministrazions comunâls di Lestize e Codroip

Grazie ancje a la Distilerie De Mezzo

Program