Sabide 18 Fevrâr 2006, h 17:00

Altri/viers

mostre di Nane Zavagno e Michele Bazzana
par cure di Angelo Bertani

Inaugurazion e incuintri public cui artiscj

La capacitât di costruî cun metodi, cun maestrie e cun dute la sapience di un fâ che al sa rignuvisi e dá vite a gnovis formis: cheste e je la cualitât prime da la art di Nane Zavagno.
L’ûs da la tecnologjie par fins poetics, ironics e paradossâi: chest al è invezit il caratar principâl da la art di Michele Bazzana.
Une mostre, doi artiscj, dôs manieris cetant diviersis di svicinasi a la opare, che a son dut câs une vore significativis di dôs tindincis centrals da la art da la seconde metât dal Nûfcent: chê che e va di lune a erodi inta la unitât classiche da la forme e chê decisementri cuintriclassiche che e viôt propit inta la eterogjenitât e inta la sclese la essence da la sô ricercje.
Nane Zavagno, stuarzint cualchi fuee di alumini o fasint su rosons cui claps blancs dal flum, al à savut proponi formis gnovis, ineditis, di un valôr formäl ben salt che a son, dut câs, ancje archetipichis e finementri evocativis di une sensibilitât naturalistiche.
Michele Bazzana, al contrari, doprant piçulis cautelis tecnologjichis. al a savoltât lis finalitâts da la stesse tecnologjie secont un procediment dulà che la entropie, simpri in vuate, nus met in avertence e nus dîs che in font la art no je, tant che e somee, un zûc.
Doi artiscj. doi mûts par là “viers” di ce che al è “altri”, ce che nus separe par un moment da la paronance barbare da la cuantitât.
(Angelo Bertani)

Program In File 2006