Sabide 17 Març 2007, h 17:00

A Vilecjace… da la art da la cjace

Event artistic par cure di Temperaturambiente
Tierce edizion
Academie di bielis arts di Vignesie
Sede di Vile Manin – Cors di Piture e Tecnichis Extramedials

Cirî e tornâ a cirî. A Vilecjasse il public al cirarà cui che al cîr, o miôr ancjemò, ce che il ricercjadôr al à cjatât. In chest câs i ricercjadôrs a saràn i artiscj iscrits a la Academie di Bielis Arts di Vile Manin, che a plataran lis lôr oparis tai lûcs plui improbabii dentri e di fûr dal agriturisim Ai Colonos.
La opare platade e sarà la prede di cjapâ e scuvierzi, il public al sarà il cjaçadôr.
Tal gjoldi la art, jenfri l’osservatôr e la opare al passe un procès compagn di chel che al è fra prede e predatôr. Tant di plui l’osservatôr al brame di ingrampâ il significât da la vore rimirantle, tant di plui je e confusione i sens e la reson. Al somee che il significât al scjampi vie lassant dome olmis dai siei moviments. Chest percors semenât di segns e je la piste che il cjaçadôr di art al à di lâi daûr par brinca il cuarp vif da la opare, il so valôr plui profont. Midiant dal zûc predisponût e ven marcade, in maniere ligriose e intrigose, la scuvierte e il distaponâsi da la art proponude.

Program In File 2007