Vinars 14 Fevrâr 2003, h 20:30

La seduzion dal fûc

Giuseppe O. Longo, teoric da la informazion e scritôr
Musiche G. Paolo Cecere e Alessandra Cossi (Dramsam Ensamble)

Il Fûc al incjarne il Ben e il Mal, al slûs in Paradis e al bruse tal Infier, al è plasê e torture, cusine e apocalisse, confuart e distruzion. Denant dal Fûc o tignin daûr a la poesie, o pensin a la vite e al so calor, si bandonin ai mîts di Prometeu e di Vulcan e a resurissin cuntune inficje teribil a Hiroshima e a Cernobil. Lûs, sacralitât, ricjece, spirt e fum, flame e moviment, magme, terôr, fuarce e consunzion, il Fûc al cjante, al lûs, al consume e al purifiche.

Cjamps brusâts
Elisabetta Novello in: “Cumò, segnâi di fum in cinise”
Video-instalazion, cinise, cjarvon – 2003

Par cure di Paolo Toffolutti

Par chest lavôr realizât “sul puest”, Elisabetta Novello e à delegât a “un altri” voli il compit di spiâ il passaç dal cjalâ. E a poiât par tiere peraulis di cinise: lâur dongje par cognossilis al provoche la pierdite irimediabil. Come tal mit di Orfeu e Euridice, la brame di capî e fâs dutun cul progressîf, ireversibil percors di pierdite.
La nestre presince malacuarte su la tiere e su la opare fate par tiere da l’artiste – tanche rît di passaç e tanche cjalade – al fische il sens origjinari e al prodûs un “verbum” gnûf e contrari. A ricuart di chest percors a restin dome imagjinis, “figuris brusadis” di un “incussient tecnologjic”, visions in diferide di un timp tornât a cjatâ, consegnât a la memorie artificiâl. Une candid-camera su la jentrade e compagnarà la vuestre strade.

Program In File 2003