Vinars 30 Zenâr 2004, h

Lant e lant su

30 di zenâr > 14 març

Instalazion di Franco Ciot
Par cure di Angelo Bertani

Intant dai incuintris In File, Franco Ciot al popole la loze e une stanzie dai Colonos cun figuris aereis fatis in rêt metaliche sutile. A riclamin, ancje se intun mût essenzial, la forme dai nestris vistîts, il sgubul che nus siere e che si sintìn protezûts; si pues ancje interpretâlis tant che scufui di feminis e oms che tal ultin a àn vude une metamorfosi, deventant plui autentics e vêrs. Lizeris e suspindudis, chestis formis a son presincis, salacor ancje agnui wendersians, che a vivin une vite paralele a la nestre, ma che a assistin vulintîr ancje a chê di ducj nô. Velis duncje, fatis di aiar, dâsi dongje in grop, cjalâsi ator scoltant magari il flus da lis nestris contis, dai nestris discors e il scori lent e implacabil dal timp. Vadì che ricognossi in lôr dai testemonis suturnos al val di tindi a jessi plui vêrs.

Program In File 2004