Vinars 02 Març 2007, h 20:30

Ment locâl

Margherita Mattiussi, autore da la ricercje “La mia terra”
Franco La Cecla, antropolic e docent ta la Universitât di Vignesie
Musichis di ghitare Francesco Nigris

Tal 2005 Margherita Mattiussi e à fat une ricercje ta la Universitat di Vignesie IUAV, dulà che e à adatât al so paisut la teorie da la “ment locâl” elaborade dal antropolic
Franco La Cecla. La vore e consist intune racuelte di fotografiis e imagjinis, che a ilustrin l’imagjinari coletif da la comunitât di Savoneles cun riferiment al spazi vivût, sot la lûs di cualchi principi tant che: “la forme di un insediament e je une costruzion culturâl, une mape mentâl che dome i abitants a son bogns di tigni in vite – Tantis voltis la “ment locâl” e conserve formis che a son discomparidis, ma a tegnin sù une lentece che lis rint ponts di riferiment ancjemò necessaris – Ogni insediament al ven insedât no dome tun circunscrivi, ma ancje intun peâ al cosmi intîr”.

Program In File 2007