Sabide 02 Avost 2025, h 22:30

Oltris. Cjalâ di là da lis robis

Mostre coletive di art contemporanie

Oparis di: Matteo Attruia – Michele Bazzana – Ludovico Bomben – Elio Caredda – Elio Ciol – Sergio Cocetta (Cid) – Beppino de Cesco – Riccardo De Marchi – Danilo De Marco – Roberto Kusterle – Tito Maniacco – Lorenzo Mattotti – Manuela Sedmach – Nicola Toffolini

Al è un limit apene percepibil ch’al segne i confins da l’esperience dal om: al sbrisse vie sul ôr da lis robis, si plate tal scori lent da lis oris, tal lôr disfâsi che lis consume consumantnus in lôr, al cor i sgrisui da lis stagjons, dai lôr profums di odôr, o si incalme sul amont dal dì, fin dentri dal respîr da la gnot, ch’al sa di claris brusâts e di fen apene cjapât sù. E je la dimension da la trassendence. Il cjalâ di là da lis robis. Il troi ch’al mene a “Oltris”.
Cjapâts da la conturbie da la ricercje vignude da la lôr peregrinazion, i autôrs che achì a cjantin i lôr straniaments a cjatin un sens misteriôs e platât da la lôr sperimentazion trasfigurant ta la forme e tal colôr. Il misteri ch’a van a cirî e che ju fâs malcuiets in perpetui – l’origjin da l’Art e da la sô ispirazion – si plate jenfri lis pleis di une vite dulà che la bielece, la magjie, il timp e l’esperience si confondin intun foran universâl di sens e di deliris cjatâts tal lôr madressiment dal lôr sclopâ prossim e inevitabil, che dut al confont e al feconde, come cuant ch’e sclope une stele o a tornin a creâsi monts gnûfs.
(Angelo Floramo)

Mostre vierte intant di Avostanis

Program Avostanis 2025