Sabide 30 Novembar 2024, h 09:00

Michelangelo Pistoletto ai Colonos

Sabide di matine ai 30 di Novembar la rassegne culturâl Avostanis, organizade da l’associazion Colonos, si siere cuntun incuintri li dai Colonos di Vilecjasse cun Michelangelo Pistoletto, che e je in pîts une sô mostre impuartante dal titul “Terza terra. Michelangelo Pistoletto e Cittadellarte a Villa Manin”, organizade da l’ERPAC-Villa Manin cu la Fondazione Pistoletto-Cittadellarte e compagnade di un calendari fis di events inta la Vile e sul territori. Ta la vecje stale coloniche l’innomenât artist al tignarà une conversazion cun 50 students dal Istitût Jacopo Linussio di Codroip, presentant Cittadellarte e l’Academie Unidee, direzude di Maria Canella, cu la introduzion di Guido Comis, diretôr di Vile Manin.

Par motîfs logjistics l’event non podarà jessi viert al public.

I Events 2024