Vinars 01 Setembar 2000, h 20:30

Il mus d’aur

Gags cul Teatro Ingenuo (Ferruccio Cainero, Vanni De Lucia)
Partecipazion straordenarie da la Musse Linde
Ospit d’onôr a sorprese
Musiche a sbreghebalon cu la Bande G.Rossini di Cjasteons di Strade

Grant apuntament finâl par sierâ in glorie la tierce edizion di “Va sul mus”, il viaç lunc vie da lis stradis no uficiâls dal Friûl cun trê torzeons: la Linde, la musse dal agriturisim Colonos, compagnade di Vanni De Lucia e Ferruccio Cainero (la code dal mus e clope ma no cole!).
La serade si siere cu la consegne dal prestigjôs premi il “Il mus d’aur” a furlans meritevui che a àn strussiât dute la vite cence fâ scjas.

Program Avostanis 2000