Sabide 10 Lui 2021, h 19:00

Kintsugi

intervents di Gianpaolo Gri, Chiara Lorenzetti e Federico Rossi
al introdûs Fabio Cristante
esecuzion musicâl Mariko Masuda (violin)
inaugurazion da la mostre di operis Kintsugi di Chiara Lorenzetti

Feride cjapade, sanade e consacrade inestimabil, viatic par une resurezion insperade, bielece e armonie gnovis. Kintsugi e je l’antighe tecniche di restaur gjaponese che e comede robe in ceramiche cun lache misturade cun polvar di aur. Ogjets tornâts a vite gnove, e je ta la trame da lis sfresis mostradis, unichis e iripetibilis, la part plui preziose.
Il non di un’art che, jenfri filosofie gjaponese e metafore ocidentâl da la viste stesse, e à dentri une polisemie di significâts ch’a van ben di là di chel leterâl di aur (“kin”) e meti adun, comedâ, dâ dongje (“Tsugi”). Al è l’avignî pussibil ta la lûs da lis plais. Ancje par nô vuê.
La mostre logade ta la stale dai Colonos e propon une selezion di oparis fatis cu la tecniche dal kintsugi tradizionâl gjaponês di Chiara Lorenzetti in dialic cun oparis di Elio Caredda e ceramichis locâls “leadis”, daûr di une vecje e pragmatiche usance, cun filaments di metal.

I Events 2021

• Vinars 23 Avrîl 2021, h 16:30

  Sconfinaments

  Oraris e presentazion da la mostre di une colezion furlane di art contemporanie

• Domenie 25 Avrîl 2021, h

  Sergio Cecotti: apel ai furlans par salvâ i Colonos

  Il test da l’apel e la pagjne dal Messaggero Veneto. Coordinadis bancariis par donâ: Associazione Culturale Colonos _ IBAN IT21Z0548464070101570001344 causâl “Erogazione liberale all’Associazione Culturale Colonos” indicâ Non e Cognon, n. di telefon e e-mail dal donadôr

• Sabide 08 Mai 2021, h 17:00

  Salvìn i Colonos

  Manifestazion publiche par promovi la racuelte di fonts

• Sabide 10 Lui 2021, h 19:00

  Kintsugi

  Incuintri culturâl cun inaugurazion da la mostre, anteprime Avostanis 2021_edizion 30