In trê riis 2016

ROMANÇ IN TRÊ RIIS

Concors leterari in Lenghe Furlane
Seste edizion – 2015-2016

---

REGOLAMENT

ARTICUL 1
L’Associazion Culturâl Colonos e met fûr un bant, in colaborazion cu l’Arlef, par un concors leterari par romançs in lenghe furlane, clamât “In trê riis” daûr di une invenzion leterarie dal scritôr francês Felix Feneon (1861-1944).

ARTICUL 2
Il concors al à dôs sezions:
a) tescj di narative, cun storiis leadis cun fats di autalitât;
b) struc in prose da l’Odissee di Omer.

I tescj a àn di sei inedits e a àn di sei scrits cu la grafie uficiâl (tu puedis discjariâ il pdf da la grafie uficiâl da la lenghe furlane sul sît www.arlef.it) I tescj, sei da la sezion a) come ancje chei da la sezion b) no varan di vê plui di 180 batudis cjapant dentri ancje i spazis. Ogni partecipant al po mandâ no plui di trê composizions ognidun, ancje dividudis tra lis dôs sezions. No vignaran cjapadis in considerazion poesiis, filastrocjis e componiments fûr dal gjenar da la narative.

ARTICUL 3
II concors al è viert par chei che, ai 15 di Fevrâr dal 2016, no àn passât i 35 agns.
I lavôrs a àn di sei mandâts al indirìs info@colonos.it cul test alegât.
La spedizion e à di vê i riferiments dal autôr (non, cognon, date di nassite e numar di telefon) e l’indirìs di pueste eletroniche.

ARTICUL 4
Il tiermin pa la partecipazion al è prorogât a la miezegnot dai 21 di Fevrâr.
(e fâs fede l’ore dal computer)

ARTICUL 5
La Jurie dal concors e je dade dongje di Carlo Tolazzi (president), Lorenzo Casadio, William Cisilino, Enrico Michelutti, Elisabetta Pozzetto.

ARTICUL 6
La jurie e darà un premi par ognidune da lis dôs sezions, ma e podarà ancje no dâlu par cause di un nivel di cualitât puar dai lavôrs rivâts. Il premi al è un smartphone Huawei P8 lite Androidd 4G-3G (o ecuivalent).

In plui, la jurie e podarà assegnâ un premi speciâl a une o plui oparis ch’a si son segnaladis par origjinalitât e contignûts. Par chest ricognossiment a saran dadis da lis publicazion di cualitât, fatis da l’associazion culturâl Colonos.

Daûr dal aspiet cuantitatîf e cualitatîf dai lavôr partecipants ta lis variis edizions, si fasarà in avignî une publicazion apueste. Chei ch’a partecipin a lassin i dirits par la publicazion su libri, su Internet e su altris media eventuâi.

ARTICUL 7
La serade di premiazion si le fasarà ta la stale vecjie dal Agriturisim Ai Colonos, a Vilecjasse di Lestize, vinars ai 4 di Març dal 2016 a vot e mieze di sere, tant che conclusion di In file.

ARTICUL 8
Il bant intîr dal concors al è publicât sul sît web www.colonos.it e su Facebook.