Lunis 25 Jugn 2012, h 20:30
Vile Santine (UD), Centri Sociâl (sore dal Ufici Postâl)
I rifugjâts ch’a si ur à dât bon acet in Friûl a contin di lôr e nus domandin:
Proiezion dal documentari “Mare chiuso” di Stefano Liberti e Andrea Segre
Po dopo, o fasarìn un ghiringhel cun plats tipics dai Paîs di divignince dai rifugjâts
Il 20 di Jugn ch’al ven si celebre la Zornade Mondiâl dal Rifugjât, apontament anuâl volût da l’Asemblee Gjenerâl da lis Nazions Unidis, che di plui di dîs agns e à tant che obietîf la sensibilizazion da la opinion publiche su la condizion, dispès no cognossude da la plui part, di cheste categorie particolâr di migrants.
L’Associazion Nuovi Cittadini ONLUS, ent di tutele e gjestôr, in provincie di Udin, di progjets teritoriâi che a fasin part dal “Sisteme di protezion par chei ch’a domandin asîl e rifugjâts – SPRAR dal Ministeri dal Interni, e promôf ancje chest an iniziativis di informazion sul teme da la protezion internazionâl.
La Zornade Mondiâl dal Rifugjât 2012 si propon di rifleti su lis sieltis dificilis che un rifugjât al è spes costret a fâ ta la sô vite par cirî protezion: “Restâ blocâts intune realtât fate di gueris e di muart?” Opûr “Meti la propie vite ta lis mans di traficants e frontâ il mâr? “Scjampâ e lassâ la sô famee?” o ancjemò “Restâ e scombati cuintri da la sô int?” Tu, ce varessistu fat?”