Vinars 08 Març 2013, h 20:30

O ài miôr la tiere in borghês… *

Ocupâ il spazi public cun peraule politiche di feminis
Par cure Donne In Nero / Feminis In Neri di Udin

* Wislawa Szymborska

Nassût a Gjerusalem tal 1988, il moviment da lis Feminis in Neri al è vuê une rêt internazionâl di ativistis cuintri la guere. Tal 1997, propit ai Colonos, a jerin rivadis dôs rapresentantis da lis Feminis in Neri di Belgrât che intai agns dificii da lis gueris tai Balcans, di posizions minoritariis e eretichis, a vevin metût sù une oposizion ferme cuintri dai nazionalisims e dai odis interetnics. Di chel incuintri, par contaminazion simboliche e consonance umane e politiche, al è nassût il grup da lis Feminis in Neri di Udin, che a tornin cumò ai Colonos cuntune instalazion fate ta la vecje stale contadine cui materiâi fats in 15 agns di ativisim politic ta lis stradis e ta lis placis da la citât. Mediant da la prospetive da la sogjetivitât feminîl, lis feminis a cjapin la peraule in public par refudâ lis gueris dal di di vuê e a resistin a lis agressions cuintri da la laicitât, dai dirits, da lis libertâts di ogni om. Ai razisims istituzionâi ur fasin cuintri cul desideri di vivi intun mont viert par l’acet e il ricognossiment da lis difarencis.

Program In File 2013