Domenie 11 Març 2012, h 17:00

Frambue di pâs / Maline Mira

Resisti tant che feminis a Srebrenica dopo 20 agns

Intervents di Radmila Zarkovic e Skender Hot

Contribûts multimediâi di Mario Boccia regjist

Testemoneance di Giuliana Sgrena gjornaliste

h 15,30
Mostre-marcjât dai prodots da la cooperative Zemljoradnicka Zadruga Insieme Bratunac
Musiche balcan-furlane cui duet Madlen Troika (David Cej armoniche e Gabriele Cancelli trombe)

In colaborazion cu la “Tenda per la pace e i Diritti” di Staranzan.

A àn resistût. A son restadis. I oms, i fîs e i fradis copâts, sassinâts, intune da lis plui barbaris copadizis da la storie; Srebrenica, Bratunac, Tuzla. E lôr? Violentadis, violadis, tumiadis.
A varessin podût lâ vie, come ch’a àn fat tancj altris, par no scugnî tornâ a vivi l’ingôs dal ricuart, par no patî l’umiliazion di incrosâ par strade chei che ju àn copâts, cence podê dî nuie. Si son inventade une microeconomie, fondade su lis ricetis da lis nonis, stramandadis di gjenerazion in gjenerazion. La lôr marmelade di frambue e je deventade cussì simbul straordenari di volontât resistent di continuâ a vivi.
La cooperative che a àn metût sù tal imprin e dave di mangjâ a vincj fameis, cumò e da sperance di vite a cinccent di lôr.
Ma vuê a riscjin di sparî, glotûts da la concorince dal marcjât europeu e globalizât. Ma la serade no sarà dome un moment impuartant di riflession, ma ancje une ocasion par fâ fieste insieme cun lôr. Une grande fieste balcaniche, di musiche e di peraulis, parcè che di chês bandis là si insegne che no si po resisti a nissun nemì, nancje al piês, se no si è bogns di cjantâ insieme.
E alore, che musiche si suni!

Program In File 2012