Vinars 24 Fevrâr 2012, h 20:30

Volontarie della libertà

Cun Paola Bacchetti e Massimiliano Sassi

Dramaturgjie Paola Bacchetti

Audio editing Davide Settembrino

La storie da la resistence feminîl no je stade ancjemò realmentri scrite. A esistin però cetantis testemoneancis, dâts, fats che nus permetin di stazâ l’impuartance vere di cheste partecipazion.
L’adesion feminîl inta lis formis difarentis (combatintis o colaboradoris inta la lote di Liberazion) e fo grandone e impuartant e o’nt cjatìn esemplis in ogni regjon taliane.
Cuâi sono stâts i motîfs che a àn sburtât miârs di feminis a fâ une “sielte” che nissun al varès mai pratindût di lôr? Se, difats, pai oms a jerin resons di oblic militâr, lis feminis al contrari, s’a restavin a cjase, no varessin patît la condane o il judizi morâl di nissun. La resistence feminîl nus samee alore un moviment “spontani”.
Lis feminis a son stadis plui volontariis dai oms e cheste sielte di cjamp e à permetût a lôr, par la prime volte, di sintîsi potenziâls protagonistis da la storie dal lôr Paîs, intun dai moments plui critics e dolorôs.
Inta lis peraulis da lis protagonistis di chei fats a vegnin fûr storiis straordenariis, che spes nus tirin fûr une ridadute o a deventin un pugn tal stomi, tant dolorôs, di gjavânus il respîr.

Program In File 2012