Vinars 03 Fevrâr 2012, h 20:30

Perverse per versi

Feminis “disubidientis” ta la leteradure furlane, di Rufin di Aquilee incà

Conference di Angelo Floramo

Leturis di Maria Luisa Rosso

Musichis cun Evaristo Casonato (oboe e cuâr inglês)

Un teme intrigant, pôc tocjât e margjinâl, chel da l’alteritât feminîl tal ambit da lis leteraduris di dut il mont. Forsit parcè che insom chei ch’a scrivin e ch’a publichin, par un privilegjo e no dal sigûr par capacitât, a son i oms. La serade e sarà duncje l’ocasion par fâ vignî fûr, in filigrane, une galarie di personagjos feminîi cetant siore e purtrop ancjetant trascurade: regjinis, sdrondinis, famulis, amantis, maris, fiis e striis. Tornâ a lei e tornâ a interpretâ cualchi passaç di autôrs e di inteletuâi che a àn traviersât vie pai secui la nestre tiere e permetarà di meti a clâr, ancje cuintri di lôr, la fuarce e la braure di cualchi figure feminîl particolarmentri di atrat, combativis, resistentis, buinis di azions straordenariis e par chest incolpadis dai mascjos di disubidience, cjavestriarie, ustinazion o piês di perversion. Une serade duncje par tornâ a scoltâ il berli di dutis chês feminis, cence il bavai che par secui a àn scugnût patî. E la sorprese che nus pandaran lis lôr peraulis e sarà dute di gjoldi.

Program In File 2012