Lunis 04 Setembar 2017, h 21:00

Mondine d’Africa

Presentazion dal libri di Danilo De Marco

A intervegnin Jean-Léonard Touadi, Mah Aissata Fofana e l’autôr

Introduzion Marco Iob

Musichis Mirko Cisilino (trombe)

In colaborazion cun CeVI – Centri di volontariât internazionâl di Udin

O pensi a lis mondinis tai cjamps di rîs adagâts. Cul fazolet sul cjâf par protezisi dal soreli e dai insets, gjambis ta l’aghe dut il dì a gjavâ jerbatis ator di chê delicade plantute ch’e cres. O pensi a lis mondinis tai cjamps di rîs adagâts. A lavoravin un’ore di plui dai oms, paiadis di mancul. A jerin bracents di aghe dolce. Il gjeni contadin dal gjenar uman al à traplantât par dut. Cumò o impari che ancje il mâr al è lavorât come un cjamp. Feminis di Zanzibar, l’isule dai sclâfs e da lis speziis, devant da lis cuestis da la Tanzanie, ch’a plantin e a coltivin alghis tal Ocean Indian. Lis lôr gjambis a restin in muel ta l’aghe salade vie pal dì, i lôr cuarps a strissinin su la rive i sacs dal racolt. Lis alghis secjadis tal soreli a pierdin scuasi dal dut il lôr pês, ch’al ven vendût a sec. Ridicul il progrès dal mont, ch’al scuvierç il valôr comerciâl di un dai plui vieris organisim ch’a vivin su la tiere…. Vuê lis alghis a sglonfin i guadagns da l’industrie cosmetiche, ch’e sfrute i inceis da la zoventût eterne. A sfreolin la piel di chel che al po permetisi di comprâ la specialitât su la schene da la piel roseade di un numar segret e sconossût di feminis contadinis dal Ocean.
– Erri De Luca

Program Avostanis 2017