Domenie 03 Setembar 2017, h 09:00

A Brene Vierte

Progjet par cure di Michele Bazzana e Angelo Bertani

Artiscj partecipants
Matteo Attruia – Ludovico Bomben – Franco Del Zotto – Eva Geatti – Caterina Rossato – Aleksander Velišček

h 9.00 E tache la gare
h 18.00 Presentazion da lis oparis e votazion popolâr
h 18.30 Premiazion e moment conviviâl

O vin invidât un grup di artiscj, ch’a vegnin dal Friûl, dal Venit e da la Slovenie, a metisi in zûc intune aventure coletive ch’e domande estri creatîf, spirit di zûc e capacitât relazionâl. Cheste e je une gare cun sîs scuadris, e ogni artist al po fâ cont sul aiût di doi colaboradôrs.

A nûf di buinore, dopo dal classic rît dal café cu la brioche, i partecipants si metin a vore e a àn a disposizion nûf oris di timp par fâ un’opare-instalazion intun dai spazis vierts o semi-vierts dai Colonos, doprant cualsisei grum di materiâi di scart metût a disposizion tal curtîl dai organizadôrs (robe di materiâl difarent, struturis di len, plastiche, fier vecjo, carton, robe varie e v.i.). Insom, e vignarà fate une votazion popolâr, cuntune schede dade a ognidun dai presints, par decidi il vincidôr. Il premi al è un golôs salam biologjic da l’Aziende Agrituristiche Ai Colonos, di condividi in companie.

Program Avostanis 2017