Domenie 31 Lui 2005, h 04:30

In principi

Inaugurazion dal Templi Vegjetâl di Giuliano Mauri

performance
Davide Boato trombe
Massimo Somaglino leture bibliche da la Creazion dal mont

“Chest nol è un lûc banâl, nol è masse
normâl: al è un lûc di incuintri.
Duncje la operazion che jo o voi a fâ e
recupare il gno lavôr in tiermins di une
condizion dal lûc di riflession, dal lûc
sacrâl, dal lûc di racueiment.
E la int e pues traviersâ chest lûc
pensant sore une operazion o une robe
che i ricuarde la assence tal mont di vuê
dai lûcs sacris. Vuê secont me la int e
sint une grande dibisugne di sacralitât”.

(Dal catalic “Giuliano Mauri. Art in tiere” che al documente la realizazion dal Templi Vegjetâl)

La opare, realizade di un grup di volontaris, e je stade presentade la vierte passade di Philippe Daverio lì da la Fondazion Mudima di Milan, e cumò e ven screade in forme uficiâl.

SPIETANT LA PRIME LÛS

A scomençâ da la miezegnot di sabide sere, spietant che al crichi il dì

Cjalant lis stelis, incuintrant personaçs siamanics, scrusignant lis arts divinatoriis cu la Bioteche.
In conpanìe di Mauro Corona, Giuliano Mauri e altris.
I socis dal Circul Astrofilos di Talmassons a metaran a disposizion par dute la gnot i lôr telescopis par podê esplorâ e rimirâ il cîl stelât.

A vignaràn cjapadis sù firmis di adesion par un apel al Consei regjonâl parcè che al fasedi buine une leç cuintri dal incuinament luminôs e da la strassarie energjietiche.

Al è conseabil furnîsi di cuviertis, sacs a pêl, cussins… A buinore cafelat e fuiace

Program Avostanis 2005