Lunis 06 Avost 2012, h 21:00

Par un pêl

I testemonis da la “rusticitas” ta lis storiis di Riedo Pup

Par cure di e cun Massimo Somaglino
Cjants di Claudia Grimaz
Partecipazion da la Compagnie dal Teatri Sperimentâl di Vile di Buie

Progjet realizât in rêt cul Comun di Moruç

“Al pâr probabil che il riferiment a la “rusticitas” si podedi lei come braure da la propie fedeltât a une tradizion calcolade plui pure e antighe”, al diseve pre Gilberto Pressacco. I personagjos di Riedo Pup a son oms, dolorôs, pietôs ch’a vain, a ubidissin, a sfadiin, no si rivoltin, tibiâts dal destin e da la storie, ch’a prein pôc e a cjalin a une religjositât concrete, fate di ritualitâts fissadis tai ritmis da la nature e da lis voris di fâ: a ritain crôs tal len, a sunin lis cjampanis, a lavorin lavorin lavorin, e soredut a cirin di resisti, di rivâ a la sere scjampant lis injustiziis di une societât contadine, ma ancjemò par pôc, bielzà ta lis mans dai parons, da lis leçs, dai esercits, dai stâts, da lis citâts.

Program Avostanis 2012