Joibe 25 Avost 2005, h 21:00

I Turcs tal Friul

Videoproiezion da la rapresentazion teatrâl fate ai Colonos ai 25 di avost 1996

Regjie video Remigio Romano

Introduzion Elio de Capitani

A dîs agns di distance dal debut a la Bienâl di Vignesie da I Turcs tal Friûl di Pasolini, dongje dal impat su la memorie coletive di chê esperience straordenarie, al reste un document unic di un event memorabil: la uniche repliche a la lûs dal soreli inta la arie dai Colonos, ai 25 di Avost dal 1996. E jere une sfide, ma tal stes timp e jere ancje la prove che la “grecitât” che il zovin Pasolini al voleve perseguî cul so test aurorâl e cjatave un riscuintri tal rituâl che in chê ocasion si rivà a meti in at cu la complicitât dai atôrs, dal public straordenari, ma ancje in graciis dai elements da la nature pronts a discjadenâsi, si disarès cuasi a comant, dopleânt il “vint” finâl che al pare vie i Turcs: chel da la bielissime elegjie musicade di Giovanna Marini cuntun vint concret e reâl e i prins lamps di un burlaç estîf che a sierarin cun eficacitât straordenarie une da lis replichis plui bielis e plui significativis mai fatis.
(Elio De Capitani)

Program Avostanis 2005