![\"\"](\"https:\/\/colonos.it\/\/wp-content\/uploads\/2021\/01\/dove-siamo.jpg\")
<\/p>\n<\/p>\n
Il centri da l\u02bcativit\u00e2t da l\u02bcAssociazion Cultur\u00e2l Colonos al \u00e8 dentri e in dialic cui spazis agricui sugjest\u00eefs che l\u02bcaziende agrituristiche Ai Colonos e \u00e0 recuper\u00e2t tal 1992, intestant chest l\u00fbc a la memorie da lis personis che ach\u00ec a \u00e0n viv\u00fbt tra fadiis e miserie, e no invezit ai proprietaris, come ch\u02bcal jere simpri suced\u00fbt tal pass\u00e2t. Si trate di une testemoneance straordenarie dal mont contadin e colonic, nassude intun sisteme armonic di fabric\u00e2ts agricui met\u00fbts ator di un grant curt\u00eel centr\u00e2l, che une volte a jerin stadis stalis, tobl\u00e2ts, dipuesits par imprescj agricui, cj\u00f4ts, cantinis, ufici pal fat\u00f4r e abitazions par lis fameis dai colonos.<\/p>\n
L\u02bcesistence dal fabric\u00e2t origjinari e je atestade tal regjistri napoleonic dal 1811. Vie pal timp si \u00e8 svilupade intun compl\u00e8s articol\u00e2t che, dutun cu la vite agricule che li si faseve, al \u00e0 v\u00fbt il so svilup massim tai agns Trente e Cuarante, che dopo insom al \u00e0 pat\u00eet un decjadince inesorabil par cause dal \u201cboom\u201d economic dal secont dopovuere.<\/p>\n
Dopo di sei st\u00e2t lass\u00e2t par une vincjine di agns in dismentie e a la degradazion, chest microcosmi speci\u00e2l al \u00e8 st\u00e2t recuper\u00e2t cun am\u00f4r, tal rispiet da la s\u00f4 flusumie, e al \u00e8 st\u00e2t puart\u00e2t ancjem\u00f2 une volte a une gnove vite mediant proc\u00e8s di rigjenerazion soci\u00e2l e cultur\u00e2l.<\/p>\n
Cul timp a l\u00e2 al \u00e8 st\u00e2t \u201ccoltiv\u00e2t\u201d il progjet da la Cort da l\u2019Art<\/a> che, mediant di une schirie di oparis fatis apueste tai spazi, al f\u00e2s vign\u00ee f\u00fbr, rinovantlu, il spirt dal l\u00fbc, intun dialic creat\u00eef e progetu\u00e2l jenfri pass\u00e2t e presint.<\/p>\n