COLONOS

avostanis 2010

In trê riis

Joibe ai 05 Avost, h 21:00

 

(Ta la foto sore, ritrat di Félix Fénéon)

Serade-spetacul e premiazion dal concors leterari

Cun Massimo Somaglino, Carlo Tolazzi,
Claudia Grimaz, Ada Bottero Zanier, Angelo Floramo
Coordenament artistic Massimo Somaglino

E jere une vacje clamade Vitorie.
Muarte la vacje, finide la storie
(vecje conte popolâr furlane)


Se al plûf, auditorium comunâl di Lestize



in trê riis


Concors leterari par romançs in lenghe furlane



Articul 1
Tal spirt dal teme di Avostanis 2010 che al è "Nuie di masse" e fasint buine une invenzion leterarie gjeniâl tirade fûr un secul indaûr dal scritôr anarchic Félix Fénéon, l'Associazion culturâl Colonos e bandìs cul patrocini da Il Messaggero Veneto un concors par romançs in lenghe furlane, nomenât "In trê riis".

Articul 2
Il concors al rivuarde tescj di narative par furlàn, che àn di sei inedits, scrits ta la grafìe uficiâl e cun cualsisei varietât lenghistiche, da la lungjece massime di 180 batudis (cjapant dentri ancje i spazis).

Articul 3
Il concors al è viert ai partecipants ch’a no àn plui di 35 agns.
Ogni concorint al puès mandâ un massim di cinc composizions.
Il premi al vignarà assegnât dopo di vê verificade l'etât dai candidâts.

Articul 4
Si puès partecipâ fasint rivâ a l'associazion culturâl Colonos une mail par pueste eletroniche, a la direzion info@colonos.it, cul test dal romanç in alegât. La mail e à di vê i riferiments dal autôr (non, cognon, vie e numar civic, lûc di residence e telefon), la sô etât e la so direzion di pueste eletroniche.

Articul 5
Lis voris a àn di rivâ dentri da la miegegnot dai 10 di lui 2010 (e fâs fede la ore evidenziade sul computer).

Articul 6
La jurìe dal concors "Romanç in trê riis e je componude di:
Carlo Tolazzi, scritôr e dramaturc, president
Fabiano Fantini, atôr
Massimo Garlatti Costa, regjist cinematografic e senegjadôr
Claudia Grimaz, cjantante e musiciste
Maurizio Mattiuzza, poete
Michele Meloni, gjornalist
MauroTubetti, DJ

Articul 7
La jurìe e assegnarà un prin, un secont e un tierç premi, ma a puedarà ancje judicâ ex-aequo plui voris, oben no assegnâ il premi par vie de cualitât no meritevul.

I premis in pali a son:
Prin classificât: libri di art cun poesiis di Andrea Zanzotto e tre incisions di Ciussi
Secont classificât: libri di art cun poesiis Elio Bartolini e incisions di Altieri, Ciussi, Colò e Zavagno
Tierç classificât: libri di art cun poesiis di Amedeo Giacomini e 5 incisions di Renato Bruscaglia
Tignint cont dal valôr e dal numar da lis oparis rivadis al podarà vignî publicât un libri di pueste "progjet Colonos" daûr di une selezion fate da la jurie. Cui stes criteris e su la fonde di une valutazion da la redazion culturâl a vignaràn publicâts su Il Messaggero Veneto ducj o une part dai romançs in trê riis.

program

Associazion culturâl Colonos

v. Zuan di Udin, 8
33050 Vilecjasse di Lestize (Ud)

info@colonos.it

fb.jpeg


Agriturisim ai Colonos

www.aicolonos.it
tel 0432 76 49 12
tel 0432 76 49 03
mob 342 0803361
agricolonos@cheapnet.it

design_EKOSTUDIO